വരുന്നു ഞങ്ങള്‍
മേല്‍ക്കൂരയില്ലാത്ത വീട്ടില്‍നിന്ന്,
വിയര്‍ത്തൊലിച്ച്........
രാപ്പകലുകളെ തിരുത്തിയെഴുതുന്ന
പരാജിതരുടെ പാളയത്തിലേക്ക്
സ്വപ്നങ്ങളറ്റുപോയ
തിരസ്ക്ര്തരുടെ
ഭൂമികയിലേക്ക്
വധശിക്ഷ കാത്തുകിടക്കുന്ന
നിരപരാധികളുടെ
സങ്കടങ്ങളിലെക്ക്
കബന്ധങ്ങള്‍
പരാക്രമികളോട്-
പകരംചോദിക്കുന്ന
അപാരതയിലേക്ക്
കുനിഞ്ഞശിരസ്സുള്ളവരുടെ
മൗനമുറഞ്ഞ
താഴ്വരയിലേക്ക് .........
വരുന്നു ഞങ്ങള്‍
രക്തദാഹിയായ
അരൂപികളെ
വാക്ക് കോണ്ട് പുകയ്ക്കാന്‍
ചവിട്ടിമെതിക്കുന്ന
ബൂട്ടുകളെ
വീറ് കോണ്ട് മെരുക്കാന്‍
പരന്നൊഴുകുന്ന
നുണകളെ
നേര് കോണ്ട് വറ്റിക്കാന്‍......
വരുന്നു ഞങ്ങള്‍
ചിറകുള്ളവര്‍,
തീയില്‍ മഴനനഞ്ഞു മുളച്ചവര്‍.
വളരെ നന്നായി. പുതിയ ബിംബങ്ങള്‍. ഉജ്ജ്വലം.
ReplyDelete