സാക്ഷ്യം

സ്വിച്ചമര്‍ത്തിയാല്‍
പാളത്തില്‍ നിന്ന്
ചിതറിത്തെറിച്ച മാംസക്കഷണങ്ങളിലേക്കും
തളം കെട്ടിയ രക്തത്തില്‍
തുറിച്ചു നില്‍ക്കുന്ന കണ്ണുകളിലേക്കും
പരന്നിറങ്ങുന്ന വെളിച്ചം.

ഇല്ലെങ്കില്‍
നിശബ്ദതയിലേക്ക്‌
തുളഞ്ഞു കയറുന്ന മൂളലുകളും
ഓരിയിടലുകളും അടയിരിക്കുന്ന ഭീതിതമായ ഇരുട്ട്.

അതുകൊണ്ടല്ലേ
ശവത്തിനു കാവലിരിക്കുന്ന
പോലീസുകാരന്‍റെ
കയ്യിലെ
ടോര്‍ച്ചിന്
രാവേറുന്തോറും ഭാരമേറി വരുന്നത്.

അരികിലൊരു
പൂ വിരിയുന്നത്
അത്
കാണാതെ പോകുന്നത്.

5 comments:

  1. അതുകൊണ്ടല്ലേ
    ശവത്തിനു കാവലിരിക്കുന്ന
    പോലീസുകാരന്‍റെ
    കയ്യിലെ
    ടോര്‍ച്ചിന്
    രാവേറുന്തോറും ഭാരമേറി വരുന്നത്.

    ReplyDelete
    Replies
    1. ഭാരമേറി വരുന്നത്.

      Delete
  2. ENIKKU ISHTTAMAAYI,,,,, KARANAM ITHAL KOZHIYATHA KAVITHAKAL ENIKKUMUNDU

    ReplyDelete
  3. അഭിപ്രായങ്ങള്‍ക്ക് നന്ദി

    ReplyDelete

നിങ്ങള്‍ എന്ത് പറയുന്നു എന്നറിയാന്‍ താല്പര്യമുണ്ട്